Kimwe n'ahandi mu gihugu mu karere ka Rubavu hatangijwe icyumweru cyo kwibuka ku nshuro ya 25 Jenoside yakorewe abatutsi muri Mata 1994 igikorwa cyabereye mu murenge wa Busasamana kuri Paruwasi ahiciwe abatutsi basaga 300 bari bahahungiye bizeye kuharokokera kuko hari mu nzu y’Imana.

Iki gikorwa cyakozwe no mu mirenge yose igize Akarere cyitabiriwe na Hn Mukabikino Henriette ari kumwe na Hn Ayinkamiye Speciose bari kumwe n'Ubuyobozi bw'Akarere cyabimburiwe n'urugendo rwaturutse muri centre ya Gasiza rwerekeza kuri Paruwasi ahashyizwe indabo ahari ibyobo byajugunywemo imibiri y'abatutsi.

Nyuma yo gukora urugendo rwo kwibuka ku nshuro ya 25 jenoside yakorewe abatutsi muri Mata 1994 no gushyira indabo ahari ibyobo byagiye bijugunywamo imibiri y'abatutsi bishwe, bamwe mu babashije kurokokera kuri iyi Paruwasi basangije abitabiriye iki gikorwa inzira igoye banyuzemo basaba guharanira ko ibyabaye bitazongera.

Ubutumwa bwatanzwe  bwagarutse ku bukana Jenoside yakoranywebugaya abishoye mu bwicanyi ariko bushimira abagize uruhare mu kurokora abahigwaga busaba gukomeza kwimakaza ubumwe n'ubwiyunge bw'Abanyarwanda ndetse no kurwanya ingengabitekerezo ya Jenoside n'igisa nayo cyose.

Ku gucamunsi kandi hakozwe urugendo rwo Kwibuka ruturuka mu mujyi wa Rubavu rwagati rwerekeza ku rwibutso rwa komini ruje ahakomereje ibiganiro mu ijoro ryo kwibuka.