Amarushanwa y’umupira w’amaguru yateguwe kubufatanye n’Ikigo cy’Igihugu gishinzwe kubungabunga ibidukikije (REMA) ndetse na Police y'u Rwanda  muri gahunda y’ubukangurambaga bwo kubungabunga ibidukikije yegukwanywe n’ikipe ya Marines FC itsinze 2 kuri 1 cy’Ikipe ya Etincelles Fc.

Mu mikino yabanje  amakipe 04 yabanje gutsindana hatoranywamo azakina umukino wanyuma aho Police FC yakinye na Etincelles(0-01),Marines ikina na Musanze FC(01-0).

Iyi mikino yitabiriwe n'Umuyobozi w'Akarere ka Rubavu Habyarimana Gilbert ari kumwe n'Ubuyobozi bwa Police ndetse n'abakunzi b'umupira w'amaguru yateguwe mu rwego rw'ubukangurambaga bwo Kubungabunga ibidukikije ku nsanganyamatsiko igira iti:”Kubungabunga ibidukikije ni inshingano ya buri wese.

Ubutumwa bwatanzwe bwagarutse ku gushishikariza abitabiriye gukomeza kurwanya ibiyobyabwenge ndetse no kubungabunga ibidukikije baharanira ko Igihugu kurushaho kuba cyiza.