Mu rwego rwo gukomeza kwimakaza umuco w’ubutore ndetse no gufasha abakiri bato kugira uruhare mu kwiyubakira Igihugu, Ubuyobozi bw’Akarere bukomeje gushishikariza abaturage kujya bohereza abana bari mu birukuko muri gahunda y’Intore mu biruhuko.

Gahunda y’Intore mu birukuko yateguwe na Minisiteri y’Urubyiruko,Minisitereri y’Uburinganire n’Interambere ry’Umuryango,Minisiteri y’Ubutegetsi bw’Igihugu,Inama y’Igihugu y’Urubyiruko,Itorero ry’Igihugu na Minisiteri y’Uburezi ndetse n’abandi bafatanyabikorwa mu rwego rwo kubatoza indangagaciro na kirazira by’umuco Nyarwanda ndetse n’imirimo y’amaboko ku nshanganyamatsiko igira iti:  ‘’Winyicira ubuzima Ejo ni Heza’’

Muri iyi gahunda izajya iba buri wa Kabiri guhera saa 8h00-12h00 na buri wa Kane guhera saa 14h00-17h00  bya buri cyumweru uretse ibikorwa by’imirimo y’amaboko birimo kubakira abatishoboye amazu,ubwiherero ndetse n’uturima tw’igikoni bazatozwa kwirinda ingeso mbi,gusobanukirwa ibigize umuco w’u Rwanda ndetse banashishikarizwe kurangwa n’indangagaciro z’umuco w’u Rwanda by’umwihariko umuco w’ubupfura.

Intore zizitabira iyi gahunda y’Intore mu biruko mu tugari twose tugize Akarere ka Rubavu zisaga 7250.